ЗК Пелагонија во првите девет месеци од годинава оствари оперативни приходи во износ од 1.145.498 илјади денари, и истите бележат зголемување од 73% во однос на истиот пресметковен период од минатата година, информираат од компанијата преку Македонската берза.
“Во структурата на оперативните приходи највисока е ставката на приходите од продажба на добра и услуги кои опфаќаат 61% од вкупните оперативни приходи или износ од 701.232 илјади денари.
Приходите од продажба бележат тренд на зголемување во однос на претходната деловна година за 19%.
Останатите оперативни приходи кои опфаќаат износ од 406.260 илјади денари учествуваат со 35% во вкупните оперативни приходи .
Остварените оперативни расходи заклучно со 30.09.2021 опфаќаат износ од 880.337 илјади денари и истите се помали во однос на оперативните приходи за износ од 265.161 илјади денари или за 23%.
Промената на вредноста на залихите во анализираниот пресметковен период од тековната година како разлика помеѓу вредноста на залихите на почетокот и на крајот на пресметковниот период, генерира расходна ставка во износ од 89.428 илјади денари и Друштвото оствари оперативна добивка во износ од 175.733 илјади денари“, велат од Комбинатот.
ПОВРЗАНИ ВЕСТИ
ЗК Пелагонија во првите три месеци од годинава со добивка
Цветан Панделески избран за претседател на Одборот на директори на „ЗК Пелагонија“