Министерот за здравство Венко Филипче за ТВ 24 вели дека веднаш по завршување на владината реконструкција, односно изборот на новата Влада, тој ќе се врати на својата основна професија на Клиниката за неврохиругија.
„Ова беше едно големо искуство, но доста е од полтика – се враќам на мојата основна професија како неврохирург во Клиничкиот центар“, вели Филипче.
На прашање на ТВ 24 дали размислува за амбасадорско место или друг ангажман во политиката, вели дека такво нешто не е опција. Засега не размислува во таа насока. Смета дека најмногу може да допринесе во здравство преку неговата професија.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.