Најмногу снег утринава има на Попова Шапка каде се измерени 88 сантиметри, потоа во Маврово 49, Пожаране 22, Крушево 19, Гостивар 7, Тетово 5, и Дебар 4 сантиметри.
Најстудено утрово било на Попова Шапка со измерени -5 степени целзиусови и во Маврово со измерени – 2 степени, а најтопло во Скопје-Петровец, Струмица, Гевгелија, Дојран, Штип, Демир Капија, каде се измерени 4 степени целзиусови.
Во текот на ноќта и утрово времето се задржа облачно со врнежи од дожд претежно во првиот дел од ноќта и повеќе на северот и истокот од земјата.
Претпладнево ќе има слаб локален дожд на југоистокот и повремен снег во планинските региони.
Преку денот во западните делови на планините ќе има слаб снег, а понекаде на повисоките места повремено ќе се изменуваат дожд и снег. Максималната температура ќе биде во интервал од 2 до 9 степени.
Во Скопје времето ќе биде умерено до значително облачно со услови за краткотраен дожд. Ќе дува слаб до умерен северен ветер. Максималната температура ќе достигне до 7 степени.