Градоначалникот на Охрид, Кирил Пецаков информираше дека Општина Охрид заедно со јавните претпријатија должи 22 милиони евра.
Како што соопшти тој на Фејсбук, во 2018 година јавните претпријатија во општината имале плус средства на сметките, додека пак сега сите заедно должеле околу осум милиони евра.
Според податоците кои ги објави, вкупниот долг на Општина Охрид изнесува 856.831.830 денари.
Вкупниот долг на јавните претпријатија кои се под ингеренции на локалната самоуправа изнесува 497.600.819 денари.
Кумулативно долгот на сите општински јавни претпријатија плус долгот на Општина Охрид изнесува 1.354.432.649 денари или околу 22 милиони евра.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.