Владејачката партија СДСМ денеска на Централен одбор (ЦО) ќе бира ново раководство.
На седницата на ЦО ќе се гласа за избор на нови потпретседатели, генерален секретар и Извршен одбор на СДСМ.
Во отсуство на официјални информации, медиумите деновиве шпекулираат дека во органите на партијата, која сега ја води Димитар Ковачевски се враќаат и старите кадри Игор Ивановски-Шема и Андреј Петров.
Петров е поранешен пратеник на СДСМ и градоначалник на Општина Карпош, а Шема е партиски функционер од времето кога партијата ја водеа Владо Бучковски и Радмила Шекеринска.
Нов генерален секретар се очекува да биде Миле Зечевиќ, исто така поранешен висок партиски функционер, а неофицијално во органите на партијата останува Сања Лукаревска, директорката на УЈП, како заменик-претседател.
Неофицијално во раководството на партијата треба да влезе и пратеничката од Битола, Бисера Костадиновска Стојчевска, градоначалникот на Валандово, Перо Костадинов, а се шпекулира и со имињата на професорот Леонид Наков, архитектот Мишко Ралев, Нина Фити…