Сигурно има уште 5.000 кои се самотестирани и 25.000 недијагностицирани, вели доктор Беќаровски за драстичниот раст на заболени со Ковид-19

Доктор Нико Беќаровски на својот Фејсбук профил го коментираа драстичниот раст на бројот на заболени со Ковид-19 во Македонија.

“Почитувани членови на Комисијата за заразни болести,

Ако уште утре не ги смените протоколите за изолација на контактите со ковид болни и не го намалите времето за изолација на позитивните, на 10.01.22 ќе нема кој да работи во државата!

Сите ќе бидеме во изолација.

Изолацијата на контактите при вака раширен Омикрон е неодржлива и без епидемиолошка оправданост.

Задолжителната изолација за позитивните треба да се намали на 7 дена.

Почитувани граѓани ако денес имавме 1.197 позитивни со регуларно направени тестови, сигурно има уште 5.000 кои се самотестирани и 25.000 недијагностицирани.

Добрата вест е што до крај на февруари ќе направиме колективен имунитет и за 8ми март ќе може пак да играте чочеци“, пишува тој.

ПОВРЗАНИ ВЕСТИ

Драстичен раст: 1.197 нови случаи на Ковид-19 од 7.483 тестирања

Проф. Трајковски: „Шокирани сме од бројката 1.197, но е очекувана и ќе расте – омикрон сојот веќе доминира“

Во Скопје и Кочани регистрирани девет нови случаи на сојот Омикрон

Фото: ТВ 24