Министерството за внатрешни работи поднесе кривична пријава за возачот на министерот за финансии, Фатмир Бесими, кој завчера предизвика сообраќајка пред Владата, поминувајќи на црвено светло.
ПОВРЗАНИ ВЕСТИ
Возачот на министерот Бесими ја предизвикал сообраќајната несреќа кај Влада
“СВР Скопје – Единица за безбедност на патниот сообраќај до Основното јавно обвинителство Скопје, поднесе кривична пријава против Ј.Б.(38) од Скопје поради постоење основи на сомнение за сторено кривично дело „загрозување на безбедноста во сообраќајот“ по член 297 од Кривичниот законик.
Пријавениот, на 07.02.2022 околу 19.15 часот, управувајќи патничко возило „шкода“ со скопски регистарски ознаки на бул.„Св.Климент Охридски“ во Скопје, не застанал на вклучено црвено светло на семафор и кога навлегол во крстосницата со бул. Илинден удрил во патничко возило „киа“, управувано од А.Т.(36) од Скопје, кое од ударот го променило правецот и удрило во патничко возило „фиат“, управувано од Д.П.(45) од Скопје.
Во несреќата со повреди се здобиле Ј.Б. и сопатникот од патничкото возило „шкода“, Б.Љ.(35) од Скопје, кои со возило на Итна медицинска помош се пренесни во Комплексот клиники „Мајка Тереза““, велат од МВР.
ПОВРЗАНИ ВЕСТИ
(Фото) Министрите Бектеши и Бесими доживеале сообраќајна несреќа кај Владата, нема потешко повредени