Починаа четворица пациенти од Ковид-19 во штипското Инфективно одделение

На штипското Инфективно одделение четворица пациенти ја загубија битката со коронавирсуот.

Портпаролот на Клиничка болница-Штип, Марина Шуманска информира дека две лица се од Кочани на возраст од 60 и 76 години, и по едно лице на 68 години од Штип и едно од Радовиш на 78 години.

Според извештајот од болницата, во последните 24 часа новопримени пациенти нема, а оздравени се тројца пацинети.

Со ова бројот на хоспитализирани е намален, односно на болничко лекување се 38 ковид пациенти, од кои 35 на Инфективното и тројца пациенти на Кожното одделение. Загрижувачки е што 82 проценти од хоспитализираните се на кислородна поддршка, односно 31 лице имаат потреба од кислород.

Вакцинирани се 17 лица, а слободни се 32 кревети.

Во општините од источниот регион  активни се 379  слуачи, најмногу во Штип 119 и во Кочани 118. Двоцифрена е бројката во останатите општини, освен во Пехчево каде по подолг временски период бројката се спушти под десет.

МИА/Фото: МЗ