Секој во својата ординација, но со клуч на вратите, матичните лекари во земјава утре ќе протестираат поради, „игнорантскиот однос на Фондот за здравствено осигурување“ и додаваат оти ќе работат единствено со итни случаи.
Револтот кај матичните лекари, кој утре ќе прерасне во протест, е поради неколкуте неисполнети барања што ги имаат.
„Долго време никој не реагира на нашите апели дека примарното здравство – не може да ги издржи овие финансиски шокови.
Покачување на минимална плата, покачување на сметки за струја на концесионери, казни по матични доктори, поскапување на горивата и храната“, се вели во соопштението на Здружението на приватни лекари во земјава.
Оттаму велат дека потребни се неколку реформи за задоволни доктори и задоволен медицински персонал.
„Ако си заминат сестрите од малите места, нема да има тимови – ако нема тимови, нема амбуланти. Тоа е на штета на народот. За квалитетно здравство, добри лаборатории, квалитетни специјалистички амбуланти и до брза дијагноза,“ се додава во соопштението.
Фото: Унсплаш