Го осудувам чинот на отворена воена агресија од страна на Русија врз Украина. Војната е најлошиот начин за решавање на недоразбирањата, а агресијата врз Украина е закана и за европскиот и светскиот мир, напиша премиерот Димитар Ковачевски на неговиот Фејбук профил.
– Владата ја следи многу внимателно состојбата во Украина. Безбедносната состојба во нашата земја е стабилна и во овој момент не постои дирекна закана за безбедноста на Северна Македонија, напиша Ковачевски.
Покрај безбедносната состојбата, напиша премиерот Ковачевски, Владата одблиску ги следи и промените во светските економски текови кои се дестабилизирани од новонастанатата состојба.
– Владата како и досега ќе делува максимално одговорно и во најдобар интерес на заштита на домашната економија и финансиската состојба на граѓаните, истакна Ковачевски во објавата.
ПОВРЗАНИ ВЕСТИ
Пендаровски: Силна осуда за воените дејствија кои Русија ги презема над Украина
Османи го осуди нападот на Украина
Пендаровски закажа седница на Советот за безбедност за Украина
Фото: Влада