Нападите на вториот по големина украински град Харков се интензивираат и денеска откако руски падобранци слетале во градот.
Украинската војска потврди дека руските падобранци слетале во Харков во обид да го заземат опколениот град, јави Би-Би-Си.
Според украинската војска, воздушниот напад започнал токму кога почнале да се огласуваат сирените за воздушен напад во Харков и околниот регион.
Во соопштението се додава дека руските војници нападнале регионална воена болница и дека борбите се во тек.
Харков беше епицентар на голем дел од насилството забележано во Украина во последните денови и беше цел на гранатирање.
Вчера проектил го погоди седиштето на локалната власт на вториот по големина град во Украина околу 8 часот по локално време. Друг напад се случи подоцна во текот на вчерашниот ден во една од станбените населби во Харков.
Украинскиот претседател Володимир Зеленски подоцна нападот го нарече воено злосторство.
Најмалку 17 лица загинаа вчера во Харков, а десетици се ранети, според официјални лица од Службите за вонредни состојби.
Некои експерти шпекулираат дека артилериските напади врз станбените населби би можеле да бидат обид на Русија да ја ослабне решеноста на Украина за борба, посочува Би-Би-Си.
Попадання російської ракети в будівлю Національної поліції в місті Харків.
❌Ось так і виглядає “русскій мір”❌ pic.twitter.com/E5QFw3f384— Defence of Ukraine (@DefenceU) March 2, 2022
ПОВРЗАНИ ВЕСТИ
(Видео) Украинците со голи раце ги сопираат руските возила: Снимки кои го обиколија светот
(Видео) Русите со проектили ја уништија главната телевизиска кула во Киев
МИА/Фото: Руско министерство за одбрана/видео: Твитер/Украинско министерство за одбрана