Московската берза останува затворена и денеска, соопшти Руската централна банка.
Берзата ќе биде затворена до 8 март.
Затворањето, според соопштението, вклучува „тргување и порамнување на сите пазари на Московската берза“.
Берзата не е отворена цела недела, откако Западот воведе санкции против Русија минатиот викенд.
Американскиот претседател Џо Бајден вчера најави нови санкции против руските олигарси.
Велика Британија, исто така, санкционираше двајца водечки олигарси чие вкупно богатство се проценува на 19 милијарди долари.
– Нема да запреме овде. Наша цел е да ја осакатиме руската економија и да ја изгладнеме воената машина на Путин, изјави британската министерка за надворешни работи, Лиз Трас.
ПОВРЗАНИ ВЕСТИ
На Русите ќе им се „стемни“: Централната банка на Русија ја покачи референтната камата од 9,6 на 20%
(Видео) Руската рубља драматично паѓа, Русите панично вадат пари од банкоматите
МИА/Фото: Унсплеш