Воената операција во Украина ќе биде целосно спроведена, Русија не бара помош од Кина, велат од Кремљ

Руската специјална воена операција во Украина се одвива според оригиналниот план и ќе биде завршена на време, целосно спроведена, изјави денеска, портпаролот на Кремљ, Дмитриј Песков, јавија руски медиуми.

Според Песков, Русија не побарала помош од Кина во изведување специјални воени операции во Украина.

Претходно, американските медиуми Фајненшл тајмс и Вашингтон пост, повикувајќи се на неименувани официјални лица од САД, објавија дека Русија од Кина побарала воена опрема, откако на 24 февруари, почна со нападот.

Следуваше предупредување од американските власти до Пекинг, дека ќе сноси последици доколку Кина се обиде да ѝ помогне на Русија да ја надокнади загубата од западните санкции.

Кина ги отфрли овие наводи на весниицте, оценувајќи ги за „дезинформации“, дека Русија побарала од Пекинг воена помош за акции во Украина.

ПОВРЗАНИ ВЕСТИ

(Вознемирувачко видео) Масовни гробници и хуманитарна катастрофа во Мариупол

(Видео) Украинците протестираат во окупираните места, Русите почнаа да го малтретираат локалното население

(Видео) „Србите за Русите“: Во Белград протест за подршка на Путин

МИА