Русија отвара сопствена истрага за „провокацијата“ од Украина за Буча

Главниот руски истражител денеска наложи официјална истрага на, како што рече, украинска „провокација”, откако Киев ја обвини руската војска за масакрирање цивили во градот Буча.

Александар Бастрикин, шеф на Рускиот истражен комитет, нареди да се отвори истрага врз основа на тоа дека Украина ширела „намерно лажни информации” за руските вооружени сили во Буча, се вели во соопштението на Комитетот, пренесува Ал Џезира.

Бастрикин не обезбеди докази за своите тврдења.

Во меѓувреме, западните лидери бараат истрага против руските сили, обвинувајќи ги дека во Буча извршиле „воени злосторства”, што Москва негира. Русија тврди дека сето тоа е изрежирана украинска провокција.

ПОВРЗАНИ ВЕСТИ

Снимките од Буча се „нарачка“ од САД и НАТО за да се обвини Русија, вели портпаролката на руското МНР

(Вознемирувачко видео) Цивилите во Буча прво биле застрелани во колена, па убиени со врзани раце, тврди Министерство за одбрана на Украина

МИА