Нема старт на преговорите за Македонија пред да ги внесе Бугарите во Уставот, најави денеска бугарската министерка за надворешни работи Теодора Генчовска, пренесуваат бугарските медиуми.
Генчовска објасни дека овој услов за Македонија е втемелен во декларацијата на бугарското Собрание и во одлуките на Советодавниот совет за национална безбедност при претседателот на државата и дека со бугарскиот став ќе го запознае и еврокомесарот за проширување, Оливер Вархеји на нивната денешна средба во Софија.
„Ова е уште една средба со еврокомесарот Вархеји. Повторно ќе го запознаеме со ставот на нашата земја, да видиме што можеме да направиме заедно со нашиот колега од Северна Македонија, за да постигнеме напредок. Бугарското мнозинство да влезе во Уставот на Северна Македонија со ЕУ како гарант е услов поставен во декларацијата на Народното собрание и Советодавниот совет за национална безбедност“, изјавии таа.
Фото: Фејсбук/Генчовска