еМагазин
Image default
ЖИВОТ ТОП СТОРИИ

Почина Пиже, легендарен скопски лик, „главен“ за ноќниот забавен живот во „златните времиња“

Синоќа почина Сашо Пижевски-Пиже, скопски урбан лик кој учествуваше во градењето на ноќниот клубски живот кон крајот на 80-те, кога, како што би рекле неговите блиски „Скопје беше Скопје“.

Тој беше член на култниот Хавана бенд, во кој настапуваше со Игор Џамбазов, како и Горан Атанасов-Зеко, кој почина пред четири години.

Пиже често се сеќаваше на дружбите со Зеко, “дешаванките“ со него по скопските клубови и концерти, а само неколку часа пред ненадејната смрт, објави фотографија во знак на сеќавање на старите времиња.

И, верувале или не, почина на ист ден со блискиот пријател.

Тој беше сопственик на порталот „Мајка ти и татко ти“, преку кој промовираше патувања на различни дестинации, а најомилена му беше Грција, поточно Скијатос.

Пиже беше подвижна реклама за овој грчки остров.

И додека се подготвуваше за летото, патувањата, живот на плажа, како што вообичаено бидува, „некој друг имал поинаков план“.

Почивај во мир Пиже!

Фото: Инстаграм

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

РСБСП: Внимавајте на влажните коловози

Редакција

За новогодишната ноќ снег само на планините, во останатиот дел суво и температура до минус два

Редакција

51-годишен маж од Кичево загина при работа на автопатот Кичево-Охрид

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница