Денеска во Владата продолжи дијалогот помеѓу синдикатите и претставници на Владата за усогласување на платите во јавниот сектор со минималната плата, информираат од Владата.
Претставниците на синдикатите се сретнаа со заменик-претседателот на Владата, Фатмир Битиќи, министерката за труд и социјална политика, Јована Тренчевска и заменик-министерот за финансии, Филип Николоски.
„Вицепремиерот Битиќи на почетокот на состанокот посочи дека дијалогот во никој случај не е прекинат. Преговорите во последниот период се водеа по гранковите синдикати и надлежните Министерства, како и дека Владата останува на ставот дека усогласување на платите треба и ќе има, но во тој процес никако не смееме да заборавиме на моменталната ситуација, солидарноста и секако ефективноста на јавната администрација,“ информираат од Влада.
На состанокот било најавено и дека ќе бидат формирани работни групи кои ќе работат на дефинирање на моделот за плати кој ќе осигурува раст на платите на долг рок и методологија која ќе ја следи продуктивноста на вработените.
ПОВРЗАНИ ВЕСТИ
Нема договор со Владата за повисоки плати, ССМ ќе организира генерален штрајк