еМагазин
Балкан

Загинале цели семејства и шестмесечно бебе: Објавена листата со жртвите од катастрофалните пожари во Грција

Цели семејства, баби и дедовци со внучиња, мајка со син, татко со две деца, брачни парови, странски државјани, две неидентификувани лица, 44 жени, 35 мажи и 11 деца содржи листата на 92. загинати во катастрофалните пожари во источниот дел на областа Атика на 23 јули, јави дописничката на МИА од Атина.

Повеќе од две седмици по трагедијата, од Генералниот секретаријат за цивилна заштита ги објавија имињата на загинатите лица.

Најмладата жртва е 6-месечно бебе, а најстарата 95-годишна жена.

Загинатите деца се родени меѓу 2007 и 2013 година.

Освен 9-годишните близначки по кои трагаше Грција, а нивните тела беа меѓу јагленосаните, пронајдени прегрнати со нивните баба и дедо, на листата со жртви има и други две близначки, родени 2013 кои загинаа заедно со нивната мајка и баба.

Бебето, кое не дочека да биде крстено, родено е на 23 јануари годинава, а трагично го загуби живото точно 6 месеци подоцна, на 23 јули во катастрофалниот пожар

Меѓу загинатите има државјани на Ирска, Полска и Белгија.

На листата со жртви се и двете неидентификувани лица за кои има достапна ДНК, меѓутоа не постојат роднини за да се направи споредба и анализа.

Меѓу 92 загинати се и деветте лица кои им подлегнаа на повредите во атинските болници.

МИА/Фото: Фејсбук

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Радев на Денот на сеќавање на Холокаустот ги “заборави“ 7.144 македонски Евреи кои Бугарија ги депортираше во Треблинка

Редакција

Хрватска прогласи состојба на катастрофа во две жупании поради земјотресите кои никако не престануваат да го тресат тлото

Редакција

„Преспа форум“: Милановиќ, Бегај и Милатовиќ за брза евроинтеграција на Западен Балкан

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница