Собранието со 68 гласа „за“ ги усвои предлог-заклочоците поднесени од СДСМ и ДУИ по расправата за Информацијата за содржината на Предлог-преговарачката рамка за пристапните преговори со Европската Унија, предложена од страна на француското Претседателство со Советот на ЕУ.
Со усвоените предлог-заклучоци и се даваат насоки на Владата за што може да преговара со Европската унија.
Со заклучоците се бара безусловно почитување на јазичните, идентитетските, културните и историските особености на македонскиот народ.
Се задолжува владата во преговарачката рамка, македонскиот јазик да биде наведен без какви било додавки и фусноти и во текот на преговорите, владата да не прифати да разговара за поинакво решение за македонскиот јазик од тоа наведено во преговарачката рамка.
На гласањето не присуствуваа пратениците од ВМРО-ДПМНЕ и Левица, а денешната седница ја следеше и евроамбасадорот Дејвид Гир.
ПОВРЗАНИ ВЕСТИ
Павле Трајанов не гласаше за заклучоците за „францускиот предлог“
МИА/Фото: МИА/Видео: А1он.мк