Просечната месечна нето-плата во мај 2022 година по вработен изнесува 31.407 денари, што е за 2.686 денари повеќе во однос на истиот месец лани или за 9,4%, покажуваат податоците од Државниот завод за статистика.
Просечната месечна исплатена бруто-плата по вработен, во мај изнесува 46.972 денари.
Според денешните објавени статистички податоци ова зголемување се должи пред сѐ, на зголемувањето на просечната месечна исплатена нето-плата по вработен во секторите -угостителство 19.7 %, потоа уметност, забава и рекреација со раст од 16.1 % и во преработувачка индустрија 14.3 %.
Намалување на просечната месечна исплатена бруто-плата по вработен, во однос на претходниот месец, е забележано во секторите – здравство (11.0 %), трговија на големо и трговија на мало (1.8 %) и административни и помошни услужни дејности (1.0 %).