Заврши првиот дел од тринаесеттото Патувачко кино на „МакеДокс“ низ струмичкиот регион, информираат организаторите.
Магаренцето посети пет села во струмичкиот регион. Првата проекција беше на 18 јули во Василево, втората на 19 јули во Вељуса, третата на 21 јули во Моноспитово, четвртата на 22 јули во Босилово и петтата на 23 јули во Габрово.
За време на Патувачкото кино на „МакеДокс“ успешно се одржа првата сесија со новата генерација на млади документаристи – „Докуникулци“.
Вториот дел од Патувачкото кино на „МакеДокс“ ќе продолжи во септември во преспанскиот регион.
Патувачкото кино на „МакеДокс“ 2022 е поддржано од Агенцијата за филм на РС Македонија, Националната фондација за демократија од Вашингтон, Општина Струмица и Општина Босилово.
Медиумски покровители на Патувачкото кино се Слободен печат, Еспресо.мк, Нова Македонија, МКД.мк, СДК.мк, ОФФнет, ПлусИнфо, Е-магазин, УМНО.мк, Кајгана.мк, Радио МОФ, Лице в лице и Окно.
Фестивалот „МакеДокс“ ќе се одржи од 18 до 25 август во Скопје.