Во периодот од 01.01- 30.06.2022 година Факом АД Скопје оствари позитивен финансиски резултат во износ од 175.345 денари, наспроти добивката од 119.329 денари за истиот период во 2021 година, информираат од компанијата преку Македонската берза.
“Во структурата на вкупните приходи најголемо учество со 83% имаат приходите од продажба на странски пазар кои во споредба со остварените во 2021 година бележат пораст од 79%.
Вкупните оперативни приходи во периодот 01.01 – 30.06.2022 се зголемени за 43% во однос на 2021 година, финансиските приходи исто така се зголемени по основ на зголемените приходи од позитивни курсни разлики од работењето. Вкупните приходи за 01.01 – 30.06.2022 година се зголемени за 43% во однос на истиот период за 2021 година.
Во периодот од 01.01 – 30.06.2022 година, оперативните расходи се зголемени за 44% во однос на истиот период 2021 година. Зголемувањето на расходите се должи пред се на зголемените трошоци за суровини и материјали, останатите расходи од работењето“, велат од компанијата.
ПОВРЗАНИ ВЕСТИ
Смени во Управниот одбор на Факом
Факом во првите три месеци со зголемена добивка