(Фото) Македонски накит од бисер и филигран на саемот „Винска Визија на Отворен Балкан“

Во Белград вчера беше отворен првиот меѓународен саем за вино, храна и туризам „Винска Визија на Отворен Балкан“, под покровителство на Македонија, Србија и Албанија.

Македонија на Саемот се преставува со вкупно 42 винарии и три дестилерии кои пред посетителите ќе презентираат повеќе од 300 различни типови македонски вина и ракии, и со десет производители на храна кои ќе се презентираат автентичните вкусови на македонската кујна.

Саемот покрај промоцијата на храна и вино, е можност за промоција и на националните богатства и туристички дестинации на Македонија преставени преку посебен штанд на Агенцијата за промоција и поддршка на туризмот, каде посетителите имаат можност да видат и дел од македонскиот традиционално изработен накит од бисер и филигран.

ПОВРЗАНИ ВЕСТИ

(Фото) И Ѓоковиќ на саемот „Винска визија на Отворен Балкан“, со Ковачевски збореле за македонското вино

(Галерија) Како изгледа штадот на Македонија: Во Белград отворен саемот „Винска Визија на Отворен Балкан“

Фото: Агенција за промоција и поддршка на туризмот