Само 15 редовни и еден вонреден студент се запишале на насоките македонски јазик и македонска книжевност и јужнословенски книжевности, објави Филолошкиот факултет „Блаже Конески“ при Универзитетот „Свети Кирил и Методиј“ на својата веб-страница по првиот уписен рок за студенти за новата академска година.
На овие две насоки на Филолошкиот факултет, според објавениот конкурс за претстојната академска година, беа предвидени места за упис на 190 студенти.
Проф. д-р Искра Пановска Димкова која е раководител на катедрата по македонски јазик за „Телма“ изјави дека тоа се должи на се уште не донесениот Закон за македонски јазик, кој тргнал во постапка, која заглавила.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.