Документот кој е објавен на социјалните медиуми и презентиран од политичка партија, по првичната проверка претставува документ кој во документација на Министерството за одбрана и Армијата првично е заведен како документ со печат „воена тајна“, а подоцна по носењето на Законот за класифицирани информации, добива класификација „строго доверливо“, велат од Министерството за одбрана (МО) на Фејсбук, за документот кој ВМРО-ДПМНЕ го објави за премиерот Димитар Ковачевски.
ПОВРЗАНИ ВЕСТИ
(Видео) ВМРО-ДПМНЕ објави документ за Ковачевски
“Министерството за одбрана, согласно своите надлежности, постапувајќи по Закон и штитејќи ги интересите на државата и на граѓаните, отвора постапка за утврдување на одговорност за несовесно ракување и неовластено објавување на документи со класифицирана содржина.
Министерството за одбрана ги повикува политичките партии и поединци, во своите настапи и обиди да придобијат политички поени, да стојат понастрана од припадниците на Министерството за одбрана и Армијата, да не ги поттикнуваат на извршување на кривични дела, со кои го нарушуваат сопствениот, но и угледот на Министерството и Армијата“, велат од МО.
ПОВРЗАНИ ВЕСТИ
Фото: Влада