И денеска продолжува потрагата по возачот од возило кое излета во реката Вардар на 27 септември, во близина на Желино.
„Од 9 часот на терен се 50 припадници од АРМ Тетово кои и денеска ќе вршат копнено пребарување. Од полициска станица Желино на терен се 8 лица, од Полициска станица Јегуновце исто така на терен се 8 лица, Полициска станица Тетово се со 4 лица.
Се очекуваат да пристагнат и нуркачи од Охрид, но дополнително и Специалната единица CAE-Тигри ќе пристигнат со нуркачи.8 лица од ДЗС Тетово и 8 лица од ДЗС Куманово ќе вршат копнено пребарување, исто така 4 лица од ДЗС ќе вршат копнено пребарување во Езерото Зелениково и 2 нуркачи од ДЗС ќе вршат пребарување во вода.
Екипа од 6 пожарникари ќе вршат копнено пребарување покрај реката. Екипа од ЕЛС Желино ќе помагаат во потрагата со 20 припадници,“ информираат од Центарот за управување со кризи (ЦУК).
Фото: ЦУК