Дронови ќе бидат вклучени во потрагата на момчето кое падна во Вардар кај Желино

Регионалниот центар за управување со кризи РЦУК Тетово известува дека и денеска продолжува потрагата по возачот од автомобилот кој на 27 септември излета и потона во водите на реката Вардар во близина на с.Желино.

-Од 09.00 часот на терен се и извршуваат копнена претрага 50 војници од Касарната „Кузман Јосифовски – Питу“ од Тетово, девет припадници од армиската специјална единица „Волци“ со нуркачки тим, осум вработени во Територјалната противпожарна единица ТППЕ Тетово, двајца вработени од ДЗС Тетово, осум вработени од Дирекцијата за заштита и спасување (ДЗС) Куманово, а се очекува да се приклучат и двајца нуркачи од ДЗС.

Присутни се и полициски службеници од ПС Групчин и ПС Јегуновце, двајца од РЦУК Тетово, а исто така помагаат и доброволци од месното население.

Од страна на граѓани се обезбедени и пет дрона за воздушно набљудување, но поради дождот истите моментално не дејствуваат и се чека да се создадат услови за и тие да се вклучат во потрагата. Состојбата се следи и ако има нови моменти ќе информираме, велат од таму.

Фото: ЦУК