За првпат Македонија ќе биде домаќин на Европско сениорско првенство во екипен спорт.
Заедно со Љубљана, Цеље и Подгорица, од 4. до 20. ноември оваа година и Скопје ќе биде домаќин на Европското сениорско првенство во ракомет за жени.
Претседателот на Ракометната федерација на Македонија, Живко Мукаетов денеска повика на сплотеност во организацијата на шампионатот како на светот би му покажале зошто ракометот е спорт број еден во Македонија.
– Идејата е да бидеме сите тука заедно и да покажеме дека водиме грижа едни за други. Сите заедно го работиме тоа во континуитет да креираме колку можеме подобар ракомет за Македонија.
На претстојното Европско првенство очекуваме поддршка од нашиот народ за нашите девојчиња која навистина ја заслужуваат. Мораме заедно да продолжиме да работиме и да покажеме дека можеме да додадеме додатна вредност за мак-ракометот.
Мора да покажеме дека во Скопје, Македонија, може да направиме нешто што ќе биде светски. Да покажеме сите заедно зошто е спортот број еден во Македонија, рече Мукаетов.