- ЕСМ Продажба за декември набавила 40.600 MWh електрична енергија наменета пред се за потребите за дополнителни снабдувања по одлуки и задолженија од Владата, информираат од таму
-За набавката се потрошени 16.319.639 евра без ДДВ. Во оваа набавка беше вклучена и базна и пикова енергија кои се со различни цени, односно пониска и повисока, соопшти ЕСМ Продажба.
Првичниот план за набавка на електрична енергија за декември изнесуваше 48.000 MWh електрична енергија, но по добиените задолженија од Владата за дополнително снабдување од 1 декември на уште три категории потрошувачи (прехранбена индустрија, основни и средни училишта и јавни претпријатија за водовод) планот за набавка е ревидиран на количина од 64.000 MWh, велат од таму.
АД ЕСМ посочуваат дека со сопственото производство целосно ги задовололува потребите на домаќинствата и малите потрошувачи, како и најголемиот дел од количините за дополнително снабдување по субвенционирана цена за мрежата на ЕВН Електродистрибуција и МЕПСО.
Фото: МИА