еМагазин
Image default
Локално ТОП СТОРИИ

Хотелите полупразни, приватните капацитети исполнети: Охрид за Нова Година

Новогодишните празници го наполнија најголемиот туристички центар во земјава. Блеснат со сета своја убавина, Охрид подготвено ги дочека гостите од земјава и странство.

ПОВРЗАНИ ВЕСТИ

(Видео) Новогодишна магија во Охрид

Покрај домашните посетители најчести се туристите од соседството, кои одлучиле најлудата ноќ да ја поминат на охриско-струшката ривиеара.

Зголемена раздвиженоста се бележи во чаршијата, на градскиот кеј, но најмногу низ улиците.

Покрај дочекот во кафулињата, рестораните и хотелите, организиран пречек на Новата Година ќе има и на градскиот плоштад со настапи на Петар Нечески, Татјана Стефаноска, Ѓоко Танески, Ефто Пупиноски, Миле Кузманоски и диџеите Багзи и Јана Slayy.

Новогодишната програма ќе почне денеска напладне со настап на хорот при КУД „Гердан“, а од 13 до 15 часот ќе има новогодишна театарска претстава „Дружината на Дедо Мраз“ и мјузиклот „Трите прасиња“.

Новогодишната програма ќе продолжи утре точно напладне со настап на Марија Савеска и групата „Камелеон“, како и изведба на проектот „И повторно Евергрин“, со Лидија Кочоска, Влатко Груевски и Андреа Наунов.

Градоначалникот Кирил Пецаков вети весел и незаборавен дочек за 2023 година на градскиот плоштад во Охрид и ги покани сите да бидат дел од новогодишната забава во градот.

Во соседна Струга, пак, организиран дочек на најлудата ноќ нема да има, но градот блеска со светилки и новогодишни реквизити низ центарот, чаршијата, новото шеталиште и кејот на реката Црн Дрим. И таму раздвиженоста е голема, пред се поради враќањето на печалбарите, кои новогодишните празници ќе ги поминат во родното огниште.

Помалите сместувачки капацитети, станови и апартмани се целосно исполнети, додека хотелите, оние што работат, останаа полупразни.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) „Те љубам“– нова песна од Браво бенд

Редакција

Ќе се вакцинираат по 2.500 лица на ден, досега за вакцинација се пријавиле 4.000 здравствени работници

Редакција

На Андруш Ангелковски кој беше хит на социјалните мрежи со песната „Оди ѕвездо“, потребна му е помош

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница