еМагазин
Image default
Македонија ТОП СТОРИИ

Македонија испрати ученички ранци и прибор и печки на дрва за учениците Македонци во Албанија

По остварената посета на министерот за надворешни работи Бујар Османи на Пустец и Голо брдо, на крајот на август, како и заклучоците на Владата кои уследија како директен резултат на посетата, денес беше упатен првиот дел од помошта за Македонците во Албанија, информираат од Министерството за надворешни работи.

Ученички ранци, училишен прибор за повеќе од 130 ученици и печки на дрва, се донација на Министерството за образование и наука, соодветно на потребите на училиштата каде настава поаѓаат припадници на македонското национално малцинство.

– Посебно сум задоволен што денес успеавме да реализираме прв дел од помошта за Македонците од Албанија, за која лично се заложив при мојата посета на Требиште и Пустец, каде имав средба со македонските здруженија од Албанија, изјави Османи и додаде дека согласно барање на жителите на Требиште, обезбеден е и булдожер за чистење на снег, кој ќе биде доставен за кратко време, се вели во соопштението од МНР.

Османи се заблагодари на Министерството за образование и наука и ЈП за одржување и заштита на магистрални и регионални патишта за обезбедената донација и нагласи дека Македонија ќе продолжи со обезбедување на поддршка за припадниците на македонското национално малцинство во Албанија, како преку конкретна помош како денешната опрема за училиштата, така и преку поширока институционална поддршка за заштита и промоција на нивните јазични и културни особености во Албанија.

Фото: МНР

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

6.750 здравствени работници вакцинирани со втора доза, а со прва 13.575 граѓани над 73 години

Редакција

Од Туфи до Хурем: Која беше Билјана Беличанец

Редакција

Во европските земји има над 8 милиони украински бегалци

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница