“Каменувањето на македонскиот клуб во Благоевград е чин на вандализам“, Ковачевски очекува бугарските власти да ги пронајдат сторителите

Македонскиот премиер Димитар Ковачевски го осуди демолирањето на македонскиот културен клуб “Никола Вапцаров„ во Благоевград.

-Каменувањето на македонскиот клуб „Никола Јонков Вапцаров” во Благоевград е чин на вандализам кој најостро го осудувам. Ваквите активности не соодветсвуваат на договорената политика за унапредување на добрососедските односи, взаемното почитување и пријателство меѓу две соседни држави.

Очекувам од страна на надлежните институции во Бугарија во најкраток можен рок да се пронајдат и санкционираат сторителите и да се осуди вандализмот. Северна Македонија во духот на европските вредности, ќе продолжи со заложбите за зацврстување на дипломатската и позитивна агенда меѓу Северна Македонија и Бугарија, напиша тој на Фејсбук.

ПОВРЗАНИ ВЕСТИ

„Вандализам и криминал не се европски вредности“: Пендаровски го осуди каменувањето на клубот во Благоевград

Фотографии од демолираниот македонски клуб во Благоевград, ОМО Илинден Пирин бара истрага од бугарските власти

Искршено стаклото на македонскиот клуб во Благоевград

Фото: Влада