Министерот за надворешни работи Бујар Османи денеска на прес-конференција информираше дека сите македонски ученици кои ги погоди силниот земјотрес во Турција, се во добра состојба, тие во моментов патуваат кон Анкара, каде ќе ја поминат ноќта, а утре тргнуваат за Скопје.
Министерот наведе дека учениците се од Тетово, Гостивар и од Општина Маврово-Ростуше.
Османи додаде дека детето кое беше повредено е во добра здравствена состојба и оти нема скршеници. Укажана му е лекарска помош при што е направена само имобилизација на екстремитет.
-Утринава некаде во два часот по полноќ нашиот дипломат ми испрати слика заедно со учениците, сите се здрави, добри и веќе се тргнати накај Анкара, вечерва ќе останат таму, а утре ќе тргнат со автобус за Скопје.
Сите се во добра здравствена состојба и повредениот којшто добил здравствена грижа е добар без потреба од некаква хируршка интервенција, сите заедно се тргнати, веќе се на пат за Анкара. Очекуваме да стигнат во Скопје, па ќе се грижиме за нив, рече Османи.
ПОВРЗАНИ ВЕСТИ
Вознемирувачки снимки од дрон од ужасот на земјотресот во Турција и Сирија
Владата најави помош и за Сирија, се утврдува што е потребно
МИА