Дури 65% од македонските граѓани сметаат дека однесувањето на ЕУ е нефер, надмено и уценувачко, покажува „Еврометар 2022“

Однесувањето на Европската Унија како фер, пријателско и коректно кон нас го сметаат 17 отсто од испитаниците, а 65 отсто го оценуваат за нефер, надмено и уценувачко, покажуваат резултатите од анкетното истражување „Еврометар 2022“, спроведено од 12 до 27 декември минатата година во телефонска анкета врз репрезентативен примерок од 1.006 испитаници од страна на „Брима“ за потребите на Центарот за европски стратегии „Евротинк“.

Од анкетираните, 38 отсто сметаат дека во наредните 12 месеци ќе бидат донесени измените на Уставот, а 39 отсто дека тоа нема да се случи.

Само 12 отсто од нив сметаат дека во наредните пет години ќе влеземе во Европската унија.

ПОВРЗАНИ ВЕСТИ

72% од граѓаните сметаат дека Македонија се движи во погрешна насока, најголема доверба имаат во Армијата, покажува „Еврометар 2022“

За македонските граѓани најголема закана за Македонија е Бугарија, покажува „Еврометар 2022“

МИА