Прифатен е предлогот на Основното јавно обвинителство кое бараше притвор за сопственикот на порталот “Доказ“, Марјан Стаменковски, осомничен за четири дела – ширење на расистички и ксенофобичен материјал по пат на компјутерски систем, уцена, пиратерија на аудиовизуелно дело и злоупотреба на лични податоци.
Како што информираат од Кривичниот суд во Скопје, на осомничениот му е одреден притвор од осум дена.
По барање на ОЈО-Скопје, а врз основа на наредба од судија на претходна постапка, синоќа е извршен претрес во домот каде престојувал осомничениот, како и пребарување на компјутерски систем и компјутерски податоци.
ПОВРЗАНИ ВЕСТИ
Претрес во домот на сопственикот на порталот „Доказ“, запленети пари, компјутери, телефони
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.