Шеесетгодишник од тетовско Теарце починал додека управувал возило по што излетал од патот.
Несреќата се случула утринава околу 6 часот на регионалниот пат Тетово-Јажинце кај Слатино.
-Во СВР Тетово било пријавено дека на регионалниот пат Тетово-Јажинце, кај с.Слатино, патничко моторно возило „даеву“ со тетовски регистарски ознаки, управувано од 60 годишно машко лице од с.Теарце, излетало надвор од коловозот.
Лекар од Итна медицинска помош констатирал смрт кај возачот, а во службен разговор, сопругата на возачот изјавила дека пред несреќата му се слошило, по што изгубил контрола над возилото, информираше Марјан Јосифоски, портпарол на СВР Тетово.
По несреќата извршен бил увид од увидна екипа од СВР Тетово.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.