Винарската визба Тиквеш АД Кавадарци лани остварила вкупни приходи од продажба во износ од 2.691,9 милиони денари, т.е. зголемување од 39% во однос на 2021 година, информираат од таму преку Македонската берза.
-Зголемувањето на приходите се должи на зголемени приходи генерирани од домашниот пазар за 16% и од странските пазари за 64%.
Зголемените административни трошоци за 49%, трошоци за продажба и маркетинг за 26% и останатите оперативни расходи за 29% резултираа со оперативна добивка од 232,3 милиони денари.
Финансиските расходи се зголемија за 3,7 милиони денари.
Остварена е нето добивката од редовното работење пред оданочување во износ од 210 милиони денари и нето добивка по оданочување во износ од 184 милиони денари, велат од винаријата.
ПОВРЗАНИ ВЕСТИ
(Фото) Интернационални манекенки од светските модни писти пристигнуваат во „Тиквеш“
Фото: Тиквеш