СН Брокер АД Битола, во периодот јануари-декември 2022 година оствари позитивни финансиски резултати, искажани во неревидираниот Биланс на успех, информираат од Друштвото преку Македонската берза.
-Остварените вкупни приходи во периодот јануари-декември 2022 година изнесуваат 302.352 илјади денари и во споредба со остварените во истиот период во 2022 година бележат раст од 0,8%. Во структурата на вкупните приходи најголемо учество, 91%, имаат приходите остварени со продажба на полиси, кои во споредба со остварените во 2021 година бележат пад од 1,7%.
Остварените единечни вкупни расходи во периодот јануари-декември 2022 година изнесуваат 241.855 илјади денари и во споредба со остварените во истиот период во 2021 година бележат раст од 0,5%.
Остварената нето-добивка во 2022 година изнесува 54.149 илјади денари и во споредба со остварената во 2021 година бележи зголемување за 6,7%, велат од Друштвото.