25-годишен македонски државјанин загина кај Врање, а еден е полесно повреден

Македонски државјанин Н.В. (25), загина во тешка сообраќајна несреќа што се случила кај Врање, јавуваат српските медиуми.

Автомобил марка „фолксваген голф“ излетал од патот и удрил во банкина, при што еден загинал, а другото момче кое било во автомобилот било повредено.

Според пишувањата на српските медиуми, двете момчиња биле во кафеана, а несреќата се случила откако тргнале назад кон Македонија.

Од силината на ударот автомобилот се превртел на покривот, а телото на загинатиот било предадено на обдукција.