еМагазин
Свет ТОП СТОРИИ

Белорусија прифати да распореди руско тактичко нуклеарно оружје на својата територија

Белорусија денеска одговори дека одлучила да го прифати руското тактичко нуклеарно оружје по долгогодишниот притисок од САД и нивните сојузници, насочен кон промена на политичката и геополитичка насока, наведе Хина.

Рускиот претседател Владимир Путин во саботата изјави дека Москва во иднина ќе се обиде да распореди тактичко нуклеарно оружје кај верниот сојузник и сосед Белорусија, со што ќе го ескалира конфликтот со Западот.

Белоруското Министерство за надворешни работи денеска ја бранеше својата одлука да соработува со Русија, наведувајќи дека Минск дејствува за да се заштити од Западот.

„Во текот на изминатите две и пол години, Република Белорусија беше изложена на невиден политички, економски и информативен притисок од САД, Обединетото Кралство и нивните сојузници во НАТО, како и од земјите членки на Европската унија“, се наведува во соопштението на белоруското МНР.

„Со оглед на овие околности и оправданите грижи и ризици во сферата на националната безбедност што произлегуваат од нив, Белорусија е принудена да одговори со зајакнување на сопствените безбедносни и одбранбени капацитети“, се додава во соопштението.

Минск соопшти дека руските нуклеарни планови нема да бидат во спротивност со меѓународните договори за неширење на нуклеарното оружје, бидејќи самата Белорусија нема да има контрола над оружјето.

ПОВРЗАНИ ВЕСТИ

Русија ќе распореди нуклеарно оружје во Белорусија, најави Путин

МИА/Фото: Руско министерство за одбрана

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Милевски се повлекува од министерската функција, ќе го наследи кадар на ЛДП

Редакција

„Францускиот предлог„ директно на пленарна, која дополнително ќе биде закажана

Редакција

„Орка холдинг“ ги продаде сите акции во ЗК Пелагонија, ги купи „Софија градба“, која ѝ ги продаде пред неколку денови

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница