На 04.09.2018 година околу 10.30 часот во шума, атар на с.Лазарополе, општина Маврово-Ростуше, на место викано „Јама“, на оддел 87 со кој стопанисува Националниот парк „Маврово“, на К.Ц.(53) од Република Албанија, при сечење на буково стебло со моторна пила, една од гранките му паднала врз главата по што изгубил свест, информира МВР.
Со службено возило од Националниот парк тој бил префрлен до Медицински центар Дебар, од каде поради сериозноста на повредите со медицинско возило бил префрлен до Клинички центар Охрид. На 05.09.2018 година околу 02.00 часот лицето починало во болницата во Охрид. Инаку, К.Ц. бил ангажиран од приватна фирма од Струга, која имала тендер за сеча,дотур и транспорт на огревно дрво.
Се преземаат мерки за целосно расчистување на случајот.