Во Општина Кавадарци започнува инвестицијата од 30 милиони евра на наш сограѓанин кој живее во САД, информираше на Фејсбук, градоначалникот Митко Јанчев.
-Како што можете да видете и на официјалната страна на самиот проект, ќе се изгради модерен повеќенаменски комплекс, по највисоките светски стандарди, кој ќе биде единствен во регионот, мол и три станбени згради во новиот центар на Кавадарци, на површина од 65.000 м2.
Во целиот комплекс ќе биде вграден најсoфистициран систем за греење и ладење, кој ќе придонесе за заштеда на електрична енергија до 70%.
Изградбата со целокупната документација од Општина Кавадарци е веќе започната, информира Јанчев.
Комплексот се гради во прва фаза и ќе биде завршен и пуштен во употреба до август 2025 година.
Фото: Општина Кавадарци