Мин истерстот за надворешни работи Бујар Османи не се појави на денешното рочиште каде што е тужен за клевета.
Од Министерството за надворешни работи информираат дека тој не добил покана за рочиштето.
-Министерот Османи нема покана за суд; денес се одржува рочиште на кое се поканети адвокатите. Што се однесува до самата тужба, таа е целосно неоснована. Министерот никогаш не дал изјава што може да се смета за навреда, клевета или која предизвикува штета.
Целта очигледно не е правна разврска, туку јавна дискредитација. Веруваме дека во објективна постапка судот ќе ги увиди фактите и соодветно ќе ја отфрли тужбата како неоснована, соопштија од МНР.
ПОВРЗАНИ ВЕСТИ
Во тужбата за клевета од Османи се бара оштета од 10 илјади евра
Започна судењето против министерот Османи за навреда и клевета
Фото: МНР