еМагазин
Image default
Локално ТОП СТОРИИ

(Фото) Пожар ја опустоши прилепската фабрика Тила, сопственичките не се откажуваат

Се изгоре во текстилната фабрика Тила во Прилеп, а причините за пожарот кој се случи пред два дена се непознати.

-Причините за пожарот за жал се уште не се познати и се чека од страна на надлежните органи на утврдување на истите, како и на процена на направената штета. Во моментот на избивањето на пожарот фабриката не работеше и нема повредени, велат од фабриката на Фејсбук.

Брендот Тила е дело и креација на две сестри кои со помош на нивната семејна компанија конфекција Хатра во Прилеп започнаа со креирање и менаџирање на компанијата уште во своите рани 20ти години.

-Брендот Тила го градиме веќе 15 години и со години беше и е единствен македонски бренд на детска облека кој функционира професионално од типот на дизајнерските брендови. Создаден е со премногу љубов, преголем труд и чесна и макотрпна работа.

Тоа што ни се случи е премногу болно и тешко за нас бидејќи е вложен многугодишен труд и средства за да изградиме современа фабрика и висок стандард на квалитет на нашиот бренд со кој ќе се гордеат сите Македонци.

Сакаме да Ве информираме дека нашите продажни места и понатаму ќе продолжат со работа, а благодарение на нашите пријатели и нивната подршка производниот процес ќе го продолжиме во најбрз можен рок, велат сопствениците.

Фото: Фејсбук/Тила

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Исчезна жена од Психијатарската болница Бардовци

Редакција

Публикација на ССНМ: Новинарите се во лоша социо-економска положба, потребно е подобрување на работничките права

Редакција

До сега попишани вкупно 951.151 лица, 297.089 домаќинства и 402.768 станови

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница