Лавина од негативни реакции во јавноста и на социјалните мрежи предизвика изјавата на заменик-министерката за правда, Викторија Аврамовска-Мадиќ, која направи лапсус во гостување на ТВ 24, најавувајќи дека во Преамбулата на македонскиот Устав заедно со сите други народи кои ќе поднесат барање, ќе бидат внесени и егејците.
-Кога ќе го видат предлогот ќе видат дека нема ништо лошо ако во Преамбулата влезат и другите народи кои поднеле барање, бидејќи не правиме муабет само за Бугарите, туку и за Црногорците, Египќаните, егејците и сите оние кои ќе поднесат барање, рече Аврамовска Мадиќ.
Вчера таа појасни дека направила ненамерна грешка.
-Секако дека станува збор за лапсус, мислам дека на сите ви е јасно дека стануваше збор за Евреите и се извинувам на егејците, рече таа, што предизвика нов револт во јавноста и на социјалните мрежи, бидејќи не објасни дека не станува збор за друг народ, туку за Македонци кои живеат во Грција.
Фото: Министерство за правда
Важно известување
Посети ја новата страница