Во Турција ќе има втор круг од претседателските избори: Ердоган со минимално водство

Во Турција најверојатно ќе има и втор круг од претседателските избори.

Според пребројани 99,9% од гласовите, актуелниот претседател Реџеп Тајип Ердоган на вчерашните претседателски избори освои 49,34%, а неговиот најсериозен противкандидат, Кемал Киличдароглу, зад кого застанаа шест партии, освои 44,99% од гласовите, пренесуваат утрово турските медиуми..

Третиот кандидат, Синан Оган доби поддршка од 5,23% од гласачите.

Доколку ситуацијата не се промени, Турција ќе оди на втор круг од претседателските избори, кој ќе се одржи на 28 мај, бидејќи никој не освои над 50% од гласовите.