Претседателот на Србија, Александар Вучиќ синоќа на митингот „Србија на надежта“ во Белград најави дека ќе се повлече од лидерската позиција во владејачката Српска напредна странка (СНС).
-Ова е последна вечер што Ви се обраќам како претседател на СНС, утре некој друг ќе ја преземе мојата, ваша, наша Српска напредна партија, чиј член ќе останам, рече Вучиќ.
Тој рече дека утре ќе биде претседател на сите граѓани на Србија, а не претседател на политичка партија.
-Поради кризата во која се наоѓаме, а ќе барам СНС да биде стожерот на сето ова, почнуваме да го формираме Движењето за народот и државата, за да имаме база, поддршка и основа за зачувување на нашата држава во следните две-три кризни години, кои се одлучувачки за иднината на Србија, рече Вучиќ и посочи дека додека е жив власта ќе се избира на избори и по волја на народот, а не улица.
ПОВРЗАНИ ВЕСТИ
(Видео) Голем митинг за подршка на Вучиќ во Белград
Фото: Влада