Од 100 отсто преброени гласови од Центарот за демократска транзиција (ЦДТ), најдобар резултат на вонредните парламентарни избори во Црна Гора, кои се одржаа вчера, освои Движењето Европа сега (ПЕС) предводено од Милојко Спајиќ – 26 отсто од гласовите.
По неа следи листата „Заедно“, чиј столб е Демократската партија на социјалистите (ДПС) на Данијел Живковиќ со 23 отсто од гласовите.
На трето место е коалицијата „За иднината на Црна Гора“ – Демократски фронт (ДФ) со 15,1 отсто, а на четврто е листата „Алекса и Дритан – Храбро се брои“, која ја сочинуваат Граѓанското движење УРА на Дритан Абазовиќ и Демократите на Алексе Бечиќ со 13 отсто гласови.
Спајиќ, по соопштувањето на резултатите на прашањето со кого нема да преговара порача дека тоа е најавено уште од претходно, а се однесува на ДПС и УРА.
Заменик претседател на ПЕС е актуелниот претседател на Црна Гора, Јаков Милатовиќ.
ПОВРЗАНИ ВЕСТИ
По предвремените парламентарни избори во Црна Гора тешко да се формира нова влада