Апелациониот суд Скопје информира дека постапувајќи по случајот „Титаник 1“, по одржана jавна седница на 4 мај годинава, преиначи дел од казните за обвинетите во овој предмет, а дел ги потврди.
За Мартин Протуѓер останува условната осуда, за Миле Јанакиески затворската казна се намалува за девет месеци и сега ќе треба да одлежи 3,6 години, Гордана Јанкулоска сега доби условна осуда наместо 2,5 години казна затвор, a Мунир Пепиќ, исто така доби условна осуда наместо една година затвор.
Обвинети во „Титани 1“ се и поранешниот премиер Никола Груевски, поранешниот генерален секретар на тогашната влада, Кирил Божиновски, поранешниот пратеник Илија Димовски, поранешниот градоначалник на Пустец, Едмонд Темелко, како и уште други 12 обвинети.
Тие се обвинети за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.