Професорот Љубомир Фрчкоски во Click Plus на ТВ 21 го коментираше ставот на поранешниот претседател Бранко Црвенковски, кој во изјава за медиумите рече дека го поддржува референдумот и на 30. септември ќе гласа „ЗА“.
„Добро е што Бранко Црвенковски го поддржал референдумот и се изјасни дека ќе гласа „ЗА“. Мене не ми се допаѓа тонот на пораката која во себе содржи ароганција и дистанца кон оваа политичка елита од неговата партија, бидејќи таа тоа не го заслужува. Бранко Црвенковски во основа никогаш не се бавел со прашањето на спорот за името. Единствено се занимавал со ова прашање на самитот во Букурешт, кога заедно со Груевски се согласија за „Република Македонија (Скопје)“, но тоа не помина“, рече Фрчковски во Click Plus на ТВ 21.
Видео/фото: ТВ 21